అతడే హరి!

#TVLGayathri, #TVLగాయత్రి, #TeluguKavithalu, #Kavitha, #Kavithalu, #TeluguPoems, #AthadeHari, #అతడేహరి, #ద్విపద

Athade Hari - New Telugu Poems Written By T. V. L. Gayathri

Published In manatelugukathalu.com On 25/01/2025

అతడే హరి - తెలుగు పద్యాలు

రచన: T. V. L. గాయత్రి

(ద్విపద )

1. నరహరి రూపుని నమ్మిన చాలు 

కరువును తొలగించి కలిగించు మేలు/

2. పాపుల దండించు ప్రభువును దల్చు!

శ్రీహరి సన్నిధి సేవగ మల్చు/

3. దేవళమందున  దేవుని  గనుము!

పావనమౌ ధర్మపథమున చనుము!

4. మ్రొక్కుచు కృష్ణుని పూజలు సల్పు!

సొక్కుచు శౌరిపై చూపును నిల్పు!

5. పావనచరితుని భక్తిగ కొల్చు!/

జీవనమంతయు చెంతనే నిల్చు 

6. హరికీర్తన వినగ నాపదల్ తొలగు 

చరితము పాడగ సాంత్వన కలుగు /

7. ప్రణతులనర్చింప పాలించు వేల్పు 

తనభక్తుల మనికి దయతోడ నిల్పు /

8. వరములొసంగెడు వరదుడె వాడు 

కరములందించి నిన్ గాపాడు ఱేడు./

9. వెరపును బోద్రోలి విజయము నిడుచు 

పరమాత్ముడౌ హరి భక్తికి పొలుచు /

10. ముక్తిపథంబును ముందుగ జూపి 

భక్తులన్ బ్రోచును భయమును బాపి/

11. ముజ్జగముల నేలు మురహరి యతడు 

సజ్జనులకు ఘన సఖుడటనితడు.//

Profile Link:

https://www.manatelugukathalu.com/profile/tvlgayathri