తెలుగు వెలుగు గిడుగు వారి జయంతి

#TeluguKavithalu, #Kavithalu, #TeluguPoems, #అద్దంకిలక్ష్మి, #AddankiLakshmi, #TeluguVeluguGiduguVariJayanthi, #తెలుగువెలుగుగిడుగువారిజయంతి, #తేనెలొలుకుతెలుగుభాష, #ఆటవెలది

Telugu Velugu Gidugu Vari Jayanthi - New Telugu Poem Written By Addanki Lakshmi

Published In manatelugukathalu.com On 29/08/2025

తెలుగు వెలుగు గిడుగు వారి జయంతి - తెలుగు కవిత

రచన: అద్దంకి లక్ష్మి 

పర్వతాల పేటలో పుట్టిన గిడుగు 

విజయనగరంలో చదివి అధ్యాపకుడిగా వెలుగు

వ్యవహార భాషోద్యమకారుడు

గ్రాంధిక భాష రాజ్యమేలుతున్న వేళలో మధురమైన మాతృభాష

వాడుక భాషకు ధ్వజమెత్తిన గిడుగు అగ్గిపిడుగు

భాష అందరి సంపద

 కావ్యమైన కవిత్వమైన వ్యవహారిక భాషలో ఉండాలని పండిత పామరుల సైతం అర్థం చేసుకోవాలని చాటిన ధీరోదాత్తుడు

సవర భాషకు వ్యాకరణము గూర్చిన సరస్వతీపుత్రుడు

బహుభాషా కోవిదుడు

తెలుగు వ్యవహారిక భాష ఉద్యమానికి మూలపురుషుడు సంఘసంస్కర్త 

తేనెలొలకు తెలుగు పట్టం కట్టిన వెలుగు జిలుగు

తెలుగు కావ్యాలను తేనెలలకించి ప్రజావాణిలో పలుకు తేనెలుకించినట్టు చేసిన

యుగపురుషుడు

నిగర్వి నిస్వార్థ సేవకుడు

కళా ప్రపూర్ణ బిరుదాంకితుడు

గిడుగు రామ్మూర్తి పంతులు గారు

***

తేనెలొలుకు తెలుగు భాష

ఆట వెలది పద్యాలు

1

నాడు మొదలు బెట్టె నన్నయ్య కావ్యము 

మహిమ గలిగియున్న మాతృభాష 

దేశభాషలందు దివ్యమై వెలుగుచూ

తేనె  లొలుకు చుండె దీయ గాను

2

పావనంబ యినది బ్రాచీన భాషగా

యమ్మ  నోట బలుకు కమ్మగాను

ఆది కవులు వ్రాసె నపురూప కావ్యాలు

పద్య గద్య కవిత ప్రాభవంబు

3

అష్టదిగ్గజములు ఆడుకొనిన భాష 

తేజ రిల్లి నట్టి దెలుగు భాష

కృష్ణదేవరాయ తృష్ణ దీర్చిన భాష  

దేశభాషలందు దెలుగు లెస్స

4

అందమైన భాష యచ్చుతో నంతము 

తేట దెలుగు మనది తేనెలూరు

అమ్మ భాష మిన్న నమృతము గన్నను

నవరసములు చిలుకు నవ్యరీతి

5

సీస పద్యముకడు జిత్రమై యుండును

ఆట వెలది జూడ పాట వలెను 

కంద పద్యమందు గమ్మత్తులెన్నియో

తెలుగు పదములోన 

నొలుకు హొయలు

6

చాటువులను రాసె జక్కగా శ్రీనాథ

యల్లసాని వారి యల్లికజిగి

భాగవతము జదువ భక్తి భావము పొంగ

రక్తి గట్టె వినగ రాజభాష

7

గ్రాంధికమున వ్రాసె గమనీయ కావ్యాలు

 గిడుగు వారు బట్టె గొడుగు భాష 

 పాలగుమ్మి వారి బదునైన బరిభాష

 దెలుగు భాష మనది వెలుగు నింప

8

రాగ తాళ శృతి త్యాగయ్య సాహిత్య

మన్నమయ్య పాట హాయి గొలుపు

వైభవమును చాటె వాగ్గేయ కారులు

రామనామ మంత్ర రామదాసు

9

పరుల భాష యంటె వ్యామోహ పడకుము

అమ్మ భాష యంటె నమృతంబు

మాతృభాష రక్ష మనకు బాధ్యత గదా

గష్ట బెట్టబోకు కన్న మనసు

అద్దంకి లక్ష్మి  గారి ప్రొఫైల్ కొరకు, మనతెలుగుకథలు.కామ్ లో వారి ఇతర రచనల కొరకు 

 ఇక్కడ క్లిక్ చేయండి.

విజయదశమి 2025 కథల పోటీల వివరాల కోసం

ఇక్కడ క్లిక్ చేయండి.

కొసమెరుపు కథల పోటీల వివరాల కోసం

ఇక్కడ క్లిక్ చేయండి.

మేము నిర్వహించే వివిధ పోటీలలో రచయితలకు బహుమతులు అందించడంలో భాగస్వాములు కావాలనుకునే వారు వివరాల కోసం story@manatelugukathalu.com కి మెయిల్ చెయ్యండి.

మాకు రచనలు పంపాలనుకుంటే మా వెబ్ సైట్ లో ఉన్న అప్లోడ్ లింక్ ద్వారా మీ రచనలను పంపవచ్చు.

లేదా story@manatelugukathalu.com కు text document/odt/docx రూపంలో మెయిల్ చెయ్యవచ్చు.

 మనతెలుగుకథలు.కామ్ వారి యూ ట్యూబ్ ఛానల్ ను ఈ క్రింది లింక్ ద్వారా చేరుకోవచ్చును.

దయ చేసి సబ్స్క్రయిబ్ చెయ్యండి ( పూర్తిగా ఉచితం ).

https://www.youtube.com/channel/UCP4xPLpOxrVz33eo1ZjlesQ 

మనతెలుగుకథలు.కామ్ వారి ఫేస్ బుక్ పేజీ చేరడానికి ఈ క్రింది లింక్ క్లిక్ చేయండి. లైక్ చేసి, సబ్స్క్రయిబ్ చెయ్యండి.

https://www.facebook.com/ManaTeluguKathaluDotCom

గమనిక : పాఠకులు తమ అభిప్రాయాలను మనతెలుగుకథలు.కామ్ వారి అఫీషియల్ వాట్స్ అప్ నెంబర్ : 63099 58851 కు పంపవచ్చును.

రచయిత్రి పరిచయం: అద్దంకి లక్ష్మి

https://www.manatelugukathalu.com/profile/addankilakshmi

నా పేరు శ్రీమతి అద్దంకి లక్ష్మి

జన్మ స్థలం:రాజమహేంద్రవరం

డేట్ అఫ్ బర్త్

3_6_1946.

నివాసం: నవీ ముంబయి

విద్యార్హతలు:

బి.ఎ; బి. ఇడి

**వృత్తి:విశ్రాంత ఉపాధ్యాయిని,

బాంబే మునిసిపల్ కార్పొరేషన్

**తల్లిదండ్రులు: శ్రీమతి రత్నమ్మ గారు_శ్రీరామ మూర్తి గారు.

భర్త:శ్రీ వేంకటేశ్వర రావు;

విశ్రాంత జాయింట్ కమిషనర్, ఆదాయపు పన్ను శాఖ

**కుమారుడు:

గిరిధర్ సిఏ;ఎంబీఏ; శాక్రమెంటో కాలిఫోర్నియా,

**కూతురు:మాధురి వెబ్ మేనేజర్ న్యూయార్క్ స్టేట్ అమెరికా.

అల్లుడు మధుసూదన్ అమెరికా

వృత్తి/ప్రవృత్తిలో ముఖ్య ఘట్టాలు

**నూతన విద్యా విధానం గురించి ఉపాధ్యాయులకు శిక్షణ ఇచ్చి,ఉత్తమ రిసోర్స్ పర్సన్ టీచర్ గా పురస్కారం పొందాను,

నిరక్షరాస్యతను నిర్మూలించుటకు

సేవా కార్యక్రమాలు నిర్వహించాను,,

నాటకాలు వ్రాసి

విద్యార్థుల నాటకాలు

వేయించాను బెస్ట్ డైరెక్టర్ బెస్ట్ రైటర్ అవార్డులు పొందాను,

సౌత్ ఇండియన్ భాషలలో వేయించిన నాటకాల్లో, పిల్లలకు బెస్ట్ యాక్టర్ గా పురస్కారాలు లభించాయి

చదువులో వెనుకబడ్డ విద్యార్థులకు ప్రత్యేకంగా పాఠాలు చెప్పి వారి విద్యాభివృద్ధికి తోట్పడినాను,

**తెలుగు రచయితల సంఘం మహారాష్ట్ర వారి సంకలనాలలో కథ,కవిత రాసి పురస్కారాలు పొందాను,

**ఆల్ ఇండియా రేడియో తెలుగు కేంద్రంలో ఢిల్లీలో నాలుగేండ్లు తెలుగులో వార్తలు చదివిన అనుభవం

**ఎంప్లాయిమెంట్ న్యూస్ పేపర్ లో నాలుగేండ్ల అనుభవం

సాహితీ జీవితం_రచనలు

**వివిధ సాహితీ సమూహాల్లో కథలు,కవితలు రాస్తుంటాను

**ఆంధ్ర ప్రభ,ఆంధ్ర పత్రికల్లో కథలు, వ్యాసాలు ప్రచురించ బడ్డాయి

ఆంధ్రప్రభ పత్రికలో కథలకు బహుమతులు పొందాను

**అనేక సమూహాల్లోని

ఇ-సంకలనాలలో నా కథలు,కవితలు,

పద్యాలు ప్రచురించ బడినవి

కవితలకు కథలకు బహుమతులు పొందినాను

నేను రాసిన

కవితలు మరియు ప్రక్రియలు 4000 పైగా

**మినీ కవితలు

పంచపదులు

సున్నితాలు

ఇష్టపదులు

**గేయాలు

**వ్యాసాలు

**నాటకాలు

పద్యాలు

గజల్స్

కథలు

రుబాయీలు

బాల సాహిత్యం

**పేరడీ పాటలు 20 వివిధ దిన పత్రికలలో ప్రచురించబడ్డాయి

*సాహిత్య సేవ

తేనియలు,

తొణుకులు,

చిలక పలుకులు,

పరిమళాలు,

మధురిమలు,

ముత్యాలహారాలు,ఇష్టపదులు,

సకినాలు,

సున్నితాలు,

పంచ పదులు, బాల పంచ పదులు, నానీలు అనేక లఘు కవితా ప్రక్రియల్లో అన్నిట్లోనూ శతాధికంగా కవితలు రాసి, ప్రశంసా పత్రాలను పొందినాను,

**1500 వందలకు పైగా ప్రశంసా పత్రాలు పొందాను

**సాహితీ చక్రవర్తి, ఇష్టపది శ్రేష్ఠ,కవన కిరణం, అక్షర ఝరి , పంచపది కవి రత్న లాంటి , సాయి వనములో సాహిత్యం నుంచి కవన రత్న, కథా భూషణ్, మెదక్ జిల్లా విశిష్ట పురస్కారం, ఏకె మీడియం ముంబై వారి పురస్కారం, నారీ శ్రీ, సున్నితార పురస్కారం,,

అన్ని గ్రూపుల నుంచి,

15 బిరుదులు పొందడం జరిగినది,

ఆగస్టు 2022లో అమ్మ అంశముపై నేను రాసిన పద్యములకు,,

2 సున్నితాల ప్రక్రియ లో కవితకు కూడా ఇండియా బుక్ ఆఫ్ రికార్డ్స్ లో నమోదైనను,

రెండుసార్లు ఇండియా బుక్ ఆఫ్ రికార్డ్స్ లో నమోదయ్యాను,

1.ప్రచురణ,,,

1 ,కవితా కుసుమాలు పుస్తకాన్ని ప్రచురించుకున్నాను,